“Dogon” Oyun və Macəra Dünyasına Qoşulub Böyük Mükafatlardan Birini Qazanın!

Müəllif hüquqları Oenva MMC-yə məxsus olan, elmi-fantastik və macəra janrında yazılmış “Dogon” romanı unikal hekayəsi ilə oxucuları öz həyacanına salacaq! Təxmini olaraq 90 səhifəlik, 3 bölümdən ibarət bu roman həm əyləndirəcək, həm də düşündürəcək. (“Dogon” romanı 3 bölümdən, hər bölümdə təxminən 30 kitab səhifəsindən ibarətdir.)

Roman, oyun başladığı andan etibarən bölümlər şəklində www.oenva.az saytında e-book və PDF formatında yayımlanacaqdır.

Oyun Necə Keçirilir?

1. Birinci Bölüm – Romanın birinci bölümü www.oenva.az saytında 25 fevral 2025-ci il, saat 20:00-da yayımlanacaqdır. Oyun başladıqdan sonra birinci bölümü oxumaq və doğru cavabı tapmaq üçün 44 saat vaxtınız olacaq. Bölümdə hadisələr arasında gizlənmiş ipuclarını aşkar edərək,  şifrəni (sualın cavabını) tapıb  www.oenva.az saytında “Cavabınız” bölməsində təqdim edəcəksiniz. Doğru cavab verənlər növbəti mərhələyə keçid haqqı qazanacaqdır.
2. İkinci Bölüm – Birinci bölüm üçün vaxt tamamlandıqdan sonra  yəni 27 fevral 2025-ci il, saat 20:00-da ikinci bölüm yayımlanacaqdır. Hər bölümü oxuyub şifrəni (sualın cavabını) tapmaq üçün birinci bölümdə olduğu kimi, yəni 44 saat vaxtınız olacaqdır. Qaydalar eynidir.
3. Üçüncü Bölüm – Bu final bölümdür. Final 2 mart (Bazar günü) 2025-ci il, saat 20:00-da başlayacaqdır. Finala çatmış iştirakçılar arasında Final bölümün şifrəsini (sualın cavabını) ilk doğru tapan 101 iştirakçı mükafatlandırılacaqdır!

Qeyd: Oyun ümumilikdə 6 gün ərzində online olaraq www.oenva.az saytında keçiriləcək. İlk iki bölümdə əsas məqsədiniz, hər bir bölümdə sizə ayrılmış 44 saat ərzində doğru cavabı tapmaqdır. Bu mərhələlərdə heç bir rəqabət yoxdur, yəni siz tələsmədən və başqaları ilə Oyunda sadəcə doğru cavabı tapmağa çalışırsınız. Lakin 3-cü bölümdə, yəni finalda, rəqabət başlayır! Bu mərhələdə iştirakçılar yalnız doğru cavabı tapmaqla kifayətlənmir, həm də bunu ən tez etməyə çalışırlar. İlk doğru cavabı tapan 101 iştirakçı isə aşağıdakı qaydada mükafatlandırılacaqdır.

Mükafatlar

101 iştirakçı arasında mükafatlar aşağıdakı kimi bölüşdürüləcəkdir:

• 1-ci yer: 3,000 AZN
• 2-ci yer: 2,000 AZN
• 3-cü yer: 1,000 AZN
• 4-10-cu yerlər: 300 AZN
• 11-29-cu yerlər: 100 AZN
• 30-101-ci yerlər: Xüsusi hədiyyələr

Mükafatları qaliblərə Azərbaycan Respublikasının Xalq Artisti Faiq Ağayev təqdim edəcək!

Əlavə Bonus: Unudulmaz Konsert !

Bilet alan bütün iştirakçılar 9 mart 2025-ci il tarixində keçiriləcək xüsusi mükafatlandırma tədbirinə həsr edilmiş konsertə dəvət alır. Tədbir çərçivəsində təşkil edilən konsertdə:

• Faiq Ağayev,
• Miro,
• Rəssam,
• DJ Gugu

öz möhtəşəm ifaları ilə sizə unudulmaz əhval-ruhiyyə bəxş edəcəkdir. Konsertin məkanı haqqında ətraflı məlumat 25 yanvar 2025-ci il tarixində www.oenva.az saytında elan ediləcək. Konsert üçün məkan Bakı şəhərində nəzərdə tutulmuşdur.

Qeydiyyat Necə Aparılır?

• Oyunda iştirak etmək üçün 25 fevral 2025-ci il saat 18:00-a qədər iticket.az saytından bilet əldə etməli və www.oenva.az saytında qeydiyyatdan keçməlisiniz.
• Biletinizi aldıqdan sonra www.oenva.az saytında yaratdığınız şəxsi profilinizə daxil olun. Biletinizin üzərində barkod görəcəksiniz onun altında isə rəqəmlər mövcuddur. Barkod rəqəmlərini www.oenva.az saytında “Biletinizi Təsdiqləyin” bölməsinə daxil edərək iştirakınızı təsdiqləyin. Bunu 25 fevral 2025-ci il saat 18:00-a qədər etmədiyiniz təqdirdə oyunda iştirak edə bilməyəcəksiniz.

Ətraflı məlumat üçün www.oenva.az saytını ziyarət edin.

 Oxumaq həmişə qazandırır!