GÖYÇƏK FATMA

Yaş həddi: 3+

Müəllif: Azərbaycan xalq nağılı

Quruluşçu rejissor: Cənnət Səlimova  (Xalq artisti)

Baş rolların ifaçıları: Nübar Novruzova (Xalq artisti), Naibə Allahverdiyeva (Xalq artisti), Asya Atakişiyeva

Janr:  nağıl-tamaşa

Tamaşanın müddəti: I hissəli – 1 saat

Öz ögey anasının və ögey bacısının verdikləri zülümlərə mətanətlə sinə gərən Fatma atasının ürəyi ağramasın deyə həmişə susur. Evin bütün işlərini bu yetim qızın üstünə yükləyən ögey ana onlar qonaqlıqdan qayıdana qədər yunu əyirib, corab toxumağı tapşırır.  Külək yunu aparır. Onu tutmaq üçün ardınca qaçan Fatma gəlib meşəyə çıxır. Burada Qarı ilə rastlaşır. Qarının qulluğunda övlad kimi dayanan Fatma ondan iyrənmir, hər bir işini ürəklə görür. Qızın bu nəcibliyini görən Qarı  onun səadətə qovuşması üçün əlindən gələni edir.

Xeyirxah Göyçək Fatma Şahzadəyə ərə gedir. Bütün pisliklərini və ona verdikləri olmazın zülümlərə baxmayaraq, Fatma ögey anasını və bacısını bağışlayır.