“Buratinonun macəraları”  

 (Birhissəli musiqili macəra)

Yaş həddi: 6+

Müəllif: Aleksey Tolstoy

Quruluşçu rejissor: İvitsa Simiç (Xorvatiya)

Baş rolların ifaçısı: Elnur Bəhramxan (Əməkdar artist), Şəfəq Əliyeva (Əməkdar artist), İlham Əsədov (Əməkdar artist), Asya Atakişiyeva, Manaf Dadaşov,  Anar Seyfullayev, Aydan Həsənzadə, Zümrüd Quliyeva, Anar Səfiyev,   Elşən Hacıbabayev,   Zülfiyyə Alhüseynova, Natiq Fərzəliyev, Ramil Şamiloğlu, Vüqar Məmmədəliyev, Ədalət Əbdülsəməd, Yusif Dadaşov, Venera Abbasova, Könül Əbilova, Aygün Fətullayeva, Eldar İmanov, Elgün Yəhyayev, Vahid Orucoğlu, İlahə Əmirxanova, Xaliq Bəkirov, Araz Pirimov, Ramiq Nəsirov, İmran Qurbanov, Tahir İsmayılov, Fəridə Qurbanova, İmdad Tofiqoğlu                                           

Janr: Nağıl-tamaşa

Tamaşanın müddəti: 1 saat 20 dəqiqə             

    Dünyanın bir çox yazıçılarının diqqətini cəlb etmiş oduncaq adam rəvayəti onlarla versiyalarda işlənmişdir. Tənha qoca oduncaqdan adam düzəldir və o, canlıya çevrilib insan ömrü yaşayır.

 Teatrımızda tamaşaya qoyulan bu nağıl da dinamikası, macəraları ilə diqqəti cəlb edir. Tolstoy oduncaq övladı –Buratinoya həyatın ən sərt tərəflərini göstərir. O, atasına qızıl açar gətirmək üçün çox çətin sınaqlardan çıxır.

Buratino onu odundan yaradan Karlo atasına sədaqətli qalır, ağıllı, tərbiyəli  olmağa, məktəbdə oxumağa söz verir. Onun  rastlaşdığı teatr aktyorları, müxtəlif xarakterli insanlar anladırlar ki, həyatda zəhmət, istedad, bir də ağıl insanın yaxın dostu olmalıdır. Böyüklərə hörmət, onların ağıllı məsləhətləri uşaqların yoluna işıq salır. Məhz bu cəhətləri ilə Buratino Karlo ataya xəzinə qapılarını açır və onun yeni bir teatr yaratmasına, istedadlı işsiz aktyorları ətrafına toplamağa imkan yaradır.